Kalymnos - the right place to be
das chöi mir bestätige…
nachdäm mir mit em Taxiboat (süsch isch ke Fähre me usglofe isch bi däm Wällegang!) …. Kalymnos erreicht hei
D'Chlätterszenerie vo Kalymnos, dä einzigarig Fels, mit Tropflöcher, Sinter u scharfe Nadle, nid immer fingerschonend…aber griffig, was wosch no meh…
Willi het für üs für jede Tag e nöie Sektor usgsuecht (früech am morge si mir scho am Fels gsi!), geng mit einzigartiger Ussicht ufs Meer, jede Sektor het für sich gsproche. Geng 35 bis 40 m längi Route, de isch me so richtig i Chlätterflow cho.
d' Uswahl isch riese gross, über 3000 Route het's uf däre Insle.
Are knifflige Stell het Willi geng e guete Tipp oder d'Lösig chönne gä.
Nach em Chlättere, Durscht lösche, Mythos, Alpha oder Fix? u e Kalymnian Salad u de d'Entspannig, schwümme im türkisfarbige Wasser u es Nückerli am Strand.
De si mir parat gsi für ds Apéro, im eigene Garte vom Galini Studio mit Sunneuntergäng hinger em Telendos (100 Fotine), jede Abe angers u spektaktulärer. Dr Ouzo u d'Kalymnos Spezialitäte - Olive, Kapere us Sesambrötli hei natürlech nid gfählt.
Speter hei mir üs vo dr griechische Chuchi la vürwöhne…Mousaka, Shrimps, frech fish, fried eggplants, stuffed tomatos, Sakanaki…. u zum Dessert vom Huus offeriert wie zb Lokomades…
"the right place to be" hei mir 5, Margrit, Tino, Glöisi, Tegi u Willi, e harmonischi u familiäri Gruppe voll chönne gniesse….leider ohni Jeannette u Ruth
Tuusig Dank dr Leitig!
⇐
